Təsvir
Dövlət Sərhəd Xidmətinin Xüsusi Məktəbində “Sərhəd” hərbi-idman oyunlarının başa çatması ilə bağlı tədbir keçirilib.
Tədbirdə cixiş edən Dövlət Sərhəd Xidməti rəisinin muavini general polkovnik İlham Mehdiyev, Elm və Təhsil Nazirinin muavini Kənan Kərimzadə, Gənclər və İdman Nazirliyinin gənclərlə iş şöbəsinin mudiri Ramil Cabbarov qalib komandaları təbrik edib.
Qeyd edək ki, üç mərhələdən ibarət yarışlarda 38 rayondan 187 məktəbin 875 şagirdi iştirak edib.
Komandalar “Sərhəd pozucusunun yaхalanması və onun təхliyə edilməsi”, “Ləpirçilik”, “Maskalanma”, “Yaralanmış sərhəd naryadına ilkin tibbi yardım” “Avtomatın sökülüb – yığılması”, “Tüfəngdən hədəfə atəş açmaq” və “Sıra hazırlığı” üzrə öz bilik və bacarıqlarını nümayiş еtdiriblər.
Final mərhələsində in Cəlilabad rayonunun “Ləkin” komandası birinci, Qusar rayonunun “Zeyxur” komandası ikinci, Naxçıvan Muxtar Respublikasının Ordubad rayonunun “Ümid” komandası isə üçüncü yeri tutub. Qaliblərə kubok, medal, diplom və qiymətli mükafatlar, oyunlarda fəal iştirak etmiş komandalara isə həvəsləndirici hədiyyələr təqdim edilib.
