Haqqımızda

Təhsil TV 2015-ci ildən Azərbaycan Respublikasının Təhsil Nazirliyinin bir layihəsi kimi fəaliyyətə başlayıb. 2021-ci ildə isə Azərbaycan Respublikası Təhsil İnstitutunun təsisçiliyi ilə “TƏHSİL TV” MMC dövlət qeydiyyatına alınıb.

Bu dövr ərzində yüzlərlə materiallar hazırlanaraq Təhsil Nazirliyinin, eləcə də Təhhsil TV-nin rəsmi saytlarında və sosial şəbəkə hesablarında təqdim olunub. Misal olaraq, “Təməl”, “Dərsdənkənar”, “Təhsil gündəliyi”, “Şagird baxışı”, “Həftənin sualı”, “Məktəblilər üçün oxu”, “Şərhsiz”, “Əylən və öyrən”, “Sabahın ulduzları”, xəbər süjetləri, təqdimat filmləri, sənədli filmlər, promo materiallar və sair misal göstərmək olar.

Azərbaycan Respublikası Audiovizual Şurasının 20 dekabr 2022-ci il tarixli qərarı ilə TƏHSİL TV​ kanalına peyk yayımı həyata keçirməyən platforma yayımçısı lisenziyası verilmişdir.

 

Təhsil TV sərt karatntin dövründə xüsusi rejimdə fəaliyyət göstərib. Bu dövr ərzində gücləndirilmiş rejimdə çalışan komanda 10 mindən çox teledərs hazırlayaraq ölkəyayımı olan kanallar, eləcə də rəsmi saytı vasitəsi ilə təhsil ictimaiyyətinin, şagirdlərin, peşə təmayüllü tələbələrin ixtiyarına vermişdir.

Qarşıdakı planlarda texnoloji inkişaf yönümlü, STEAM əsaslı layihələrin daha da çoxaldılması nəzərdə tutulur. Eləcə də platforma üzərindən teledərslərin ölkə üzrə təhsil proqramına uyğun davamlı olaraq yayımlanması qarşımıza qoyulan məqsədlərdəndir.