Təsvir
40 il əvvəl Azərbaycanda təhsil almış Vyetnam-Azərbaycan və Laos-Azərbaycan Dostluq assosiasiyalarının üzvləri ölkəmizdə səfərdə olublar. Səfər çərçivəsində Şuşanı gəzən laoslu və vyetnamlı qonaqlar ermənilərin orada törətdikləri vandalizm aktlarını pisləyiblər. Onlara hazırkı mövcud vəziyyət haqqında məlumat verilib, aparılan sürətli bərpa və yenidənqurma işləri göstərilib. Görülən bu işləri yüksək qiymətləndirən qonaqlar, Şuşanın gələcəkdə ən gözəl turizm mərkəzlərindən biri olacağına əminliklərini bildiriblər. Bundn başqa qonaqlar Gəncə qapıları, “Güllələnmiş heykəllər” abidəsini, Cıdır Düzünü, Yuxarı Gövhər Ağa məscidini ziyarət ediblər.
Qeyd edək ki, səfər Diasporla İş üzrə Dövlət Komitəsinin və Azərbaycan Respublikasının Vyetnam Sosialist Respublikasındakı Səfirliyinin birgə təşkilatçılığı ilə reallaşıb.
